A Gesus in allegria

Gesus in allegria

A Gesus in allegria
totu su mundu at salvadu,
Cristos s’est ingeneradu
in s’intragna de Maria.

De Maria gloriosa
virgine innantis de partu,
sa ch’est bistada diciosa,
sa chi chelu e terra at fatu.

Dae pustis de su partu
restesit virgine pura,
cudda divina angelura
bos siat in cumpagnia.

Bona note e bon’annu
e bonas pascas cumpridas,
Deus bos diat vida
e mezus un’ater’annu.

Annuntziamus sos annos
a sos padronos de domo,
bi lis namus dae coro
chi vivan a largos annos.
                 
Custa est s’ultima cuadreta
sa ch’istanote cantamus,
su chi nos dades leamus
lardu, sartitza o peta.

Tradizionale